Rukkastakk frå Hallingdal. Forklede er i svart ulldamask, eller i eit lyst, trykt bomullstoff. Damaskforkledet kan ha brodert forkleband. Livet er ope og laga i silkedamask, ulldamask eller kallemanke. Perlesydd bringeklut og tradisjonelt bunadsylv med hallingheng, spenner og sølje. I skjorta er det mest tidsriktig å bruke lin, med brodert krage og mansjettar, kvitsaum, plattsaum eller korssting. Beltet kan vera skinnlist med sylvspenner, stølebelte eller vevd / smetta belte.
